Cada ser humano produce entre 70 e 100 toneladas de gases contaminantes ao longo da súa vida, “polo que debería plantar 200 árbores para compensar a súa existencia”. Con estes datos exemplificou Laurence Franks, presidente de Keren Kayemet LeIsrael (KKL), o compromiso que cada habitante da terra debería ter coa natureza, “un investimento de menos de 2000 euros en toda a vida”.

Este experto israelí afincado en Barcelona dedicou a maioría das súas palabras aos alumnos e alumnas do Grao en Enxeñaría Forestal para facelos conscientes do “importante papel” que poden desempeñar na mellora da calidade ambiental da súa contorna. “Son as novas xeracións as que deben liderar a loita contra a desertización mundial”, comentou, “pero deben contar co apoio das autoridades estatais que nestes momentos se escudan na crise económica e de que non hai diñeiro para dicir non a todo”.

Advertiu do avance do proceso de desertización no mundo “que non está tan lonxe de nós, xa en España, Murcia e Almería representan casos extremos e poden transformarse en desertos”. Galicia tampouco debe desatender a súa batalla contra a deforestación, “aínda que se trate dun fenómeno máis a longo prazo”.

Laurence Franks expuxo o labor que desempeña a ONG que preside, líder mundial na loita contra a desertificación. “Dende que existimos, levamos plantadas arredor de 240 millóns de árbores”, apuntou Franks,  que explicou que ademais das repoboacións, tamén centran os seus esforzos na creación de embalses e no fomento da investigación agrícola e forestal.

O  martes 30 de outubro, a Plataforma Tecnolóxica Galega de Medioambiente (ENVITE), en colaboración coa Plataforma Tecnolóxica Galega da Madeira (PTGM) e a Plataforma Tecnolóxica Forestal Galega (DEVESA) celebran a xornada “Oportunidades en Europa para los sectores forestal-madera y medioambiental” que terá lugar na sede de FEUGA en Santiago de Compostela.

Nesta xornada daranse a coñecer diferentes iniciativas europeas de carácter medioambiental creadas para apoiar ao sector forestal. Presentarase a estratexia forestal europea, falarase do papel dos bosques na bioeconomía e das cuestións legais e normativas que afectan ao comercio da industria, para rematar cos programas de financiamento máis relevantes a nivel comunitario xestionados polo CDTI.

Así mesmo, coa finalidade de crear vínculos entre os diferentes axentes do sector, montarase un Panel Tecnolóxico no que se exporán as capacidades dos grupos de investigación das tres plataformas e onde os asistentes poderán solicitar unha reunión ou primeiro contacto con aqueles. Esta actividade de networking ofrecerase durante toda a xornada e máis especificamente no café e xantar tecnolóxicos.

Este evento representa polo tanto, unha oportunidade de coñecer de primeira man as novas liñas de negocio verde que se están e perfilar para a industria forestal e da madeira, motivo polo que animámoslle a participar.

Esperando contar con vostede, reciba un cordial saúdo.

Xúntase Programa, Boletín de Inscrición e Modelo de presentación de capacidades para grupos de investigación.

>Programa, Boletín de Inscrición e Modelo de presentación de capacidades para grupos de investigación.

>Modelo de presentación de capacidadesa>

O pasado 24 de xullo celebrouse na sede da Fundación Empresa-Universidad Gallega (FEUGA) en Santiago a xornada “A Eco-nomía intelixente: Smart and Green Cities” organizada pola Plataforma Tecnolóxica Galega de Medio ambiente (ENVITE) en colaboración con Vindeira e Loxisga.

O evento tivo despertado un grande interese, ao ter recibido 104 inscripcións dos que finalmente asistiron 94 persoas, 59 das cales eran representantes de empresas, o que supón un 63%.

O martes 24 de xullo, ENVITE en colaboración coa Plataforma Tecnolóxica das TIC en Galicia (VINDEIRA) e a Plataforma Tecnolóxica Galega de Loxística (LOXISGA) celebra a xornada “A ECO-NOMÍA INTELIXENTE: SMART AND GREEN ECONOMY” que terá lugar na sede de FEUGA en Santiago de Compostela. No evento daranse a coñecer os programas de financiamento para proxectos de I+D cercanos a mercado do Centro para o Desenvolvemento Tecnolóxico Industrial (CDTI), así como os programas comunitarios para proxectos TIC con aplicacións no medio ambiente, na enerxía intelixente e o transporte sostible.

Destacan a presentación das convocatorias europeas TIC e ENERGY, o panel de proxectos de SMART AND GREEN CITIES, iniciativas que xerarán numerosas oportunidades de negocio no curto e medio prazo, o panel de capacidades de I+D+i dos centros de investigación galegos así como as demandas de I+D e as ideas de proxecto que se estean a dinamizar en relación ás temáticas da xornada. As empresas con proxectos candidatables aos programas de financiamento do CDTI poderán presentalos aos seus técnicos en reunións bilaterais (Rolda CDTI).