envite Plataforma Tecnolóxica Galega de Medio Ambiente - Principais liñas de actividade da Plataforma Tecnolóxica Galega de Medio Ambiente (ENVITE)
Páxina Principal arrow Arquivo de novas arrow Principais liñas de actividade da Plataforma Tecnolóxica Galega de Medio Ambiente (ENVITE)
Principais liñas de actividade da Plataforma Tecnolóxica Galega de Medio Ambiente (ENVITE) PDF Imprimir Correo-e
Xoves, 16 de Outubro do 2008
As principais liñas de actividade da Plataforma Tecnolóxica Galega de Medio Ambiente (ENVITE) foron dadas a coñecer en Ferrol polo Presidente do comité executivo de ENVITE nunha xornada enmarcada nos "Open Days"

José Álvarez Díaz, presidente do Comité Executivo da Plataforma Tecnolóxica Galega de Medio Ambiente (ENVITE), participou como relator na xornada que, baixo o título "Oportunidades para os axentes galegos en Europa: I+D+i para contribuír ao desenvolvemento sostible", tivo lugar o día 14 de outubro en Ferrol, concibíndoa como un acto descentralizado que, organizado pola OPIDi (Oficina de Programas Internacionais de I+D+i), dependente da Dirección Xeral de I+D+i, e a Secretaría Xeral de Relacións Exteriores da Xunta de Galicia, pretendía conmemorar na nosa Comunidade Autónoma a Semana Europea das Rexións e Cidades (Open Days), celebrada por sexto ano consecutivo en Bruxelas, entre os días 6 e 9 de outubro, cuxa temática central xirou en torno ao cambio climático. Outros 249 actos, dende debates políticos ata festivais culturais, foron programados a nivel local en toda Europa durante o presente mes.

As principais liñas de actividade da Plataforma Tecnolóxica Galega de Medio Ambiente (ENVITE) foron dadas a coñecer en Ferrol polo Presidente do comité executivo de ENVITE nunha xornada enmarcada nos "Open Days"


José Álvarez afondou no labor realizado no seo de ENVITE dende a súa creación, no ano 2007, así como nas grandes posibilidades de colaboración que se abriron para levar a cabo un traballo conxunto con outras Plataformas Tecnolóxicas Galegas, facilitada precisamente polo forte carácter transversal do medio ambiente e a súa importancia estratéxica en todas as políticas sectoriais.

Formada por 158 entidades, o traballo de ENVITE oriéntase fundamentalmente a "promover a competitividade do sector empresarial ambiental mediante a execución de proxectos innovadores", tendo, entre os seus obxectivos, a creación dun Centro Tecnolóxico de Medio Ambiente. Os distintos grupos de traballo, creados meses atrás, e que abordan temáticas tales como a calidade, xestión e tratamento de augas, chans, residuos, calidade e tratamento do aire e tecnoloxías ambientais, xa se atopan plenamente operativos e moitos deles con interesantes proxectos para a Comunidade.

Ademais da intervención do presidente de Envite, a xornada contou coas aportacións de representantes do CDTI, quenes abordaron o Sétimo Programa Marco de medio ambiente, do Ministerio de Medio Ambiente e Medio Rural e Mariño, para falar do Plan de Acción de Tecnoloxías Ambientais (ETAP), da Consellería de Medio Ambiente e Desenvolvemento Sostible,quenes afondaron na implantación de EMAS, e máis concretamente da Ecoinnovación e o programa Europa Energía Intelixente. Tamén a Plataforma Tecnolóxica Europea do Sector Forestal deu a coñecer os seus obxectivos, actividades e prioridades no traballo desenvolvido ata o momento.
 
Xunta de Galicia in.ci.teNeurona