O acto, que tivo lugar o pasado 19 de Abril, no salón de actos de FEUGA, contou coa asistencia de Pilar Morgade Saavedra, Subdirectora Xeral de Innovación Empresarial da Consellería de Economía e Industria, e Javier García Serrano, Dirección de Mercados Innovadores Globais do Centro de Desarrollo Tecnológico Industrial (CDTI).



Os membros de ENVITE debatiron na Asamblea Xeral as liñas de actuación para os próximos anos de cara ao posicionamento para os futuros programas europeos, entre eles o HORIZON 2020.

As presentacións da Secretaría Técnica de ENVITE así como as power point do CDTI poden descarase directamente dende esta web.

A Plataforma Tecnolóxica Galega de Medio Ambiente (ENVITE) celebrou o pasado xoves 19 de Abril a súa quinta Asemblea Xeral. Numerosas organizacións que integran ENVITE, entre as que se atopan empresas, grupos de investigación, asociacións, centros tecnolóxicos e outras institucións, coñeceron da man do Presidente do Comité Executivo e da Secretaría Técnica, o balance da situación actual da Plataforma, abordando aspectos tales como: actividades realizadas, dificultades, participación dos membros, perspectivas a curto prazo, oportunidades a medio e longo prazo, e propostas de liñas de actuación para os próximos anos.

As actividades que se priorizaron na Plataforma para o novo Plan de Traballo teñen como obxectivos, entre outros, a promoción e transferencia das capacidades tecnolóxicas dos membros, a colaboración público-privada con outras plataformas e clusteres, a proxección externa ou internacionalización, o traballo en rede para a cooperación tecnolóxica, e a creación de consorcios que consigan captar fondos para proxectos de I+D+i relevantes para a economía galega.

O acto, que contou coa coa presenza de Pilar Morgade Saavedra, Subdirectora Xeral de Innovación Empresarial da Consellería de Economía e Industria, foi aproveitado tamén para presentar as oportunidades de financiamento de proxectos de I+D+i nas áreas de enerxía e medio ambiente. Esta presentación correu a cargo de Javier García Serrano, Xefe do Departamento de Enerxía, Química, Medioambiente, Produtos e Servizos, da Dirección de Mercados Innovadores Globais do CDTI.



NUMEROSAS OPORTUNIDADES PARA OS MEMBROS DE ENVITE

Na xornada puxéronse de manifesto as oportunidades que o contexto actual e futuro ofrecerá ó sector medioambiental e enerxético. As novas políticas de Europa apostarán polo desenvolvemento intelixente para unha economía eficiente e sustentable, que aproveite de forma intelixente os recursos existentes e os que están infrautilizados actualmente nas rexións europeas.

Tanto a Estratexia Europea de Bioeconomía, como a nova PAC, e o futuro Programa Europeo de I+D (HORIZON 2020), entre outros, plantexan numerosas oportunidades para o desenvolvemento de iniciativas e proxectos relacionados co sector medioambiental , o aproveitamento sostible dos recursos e as enerxías limpas.

O Plan de traballo da Plataforma Tecnolóxica Galega de Medio Ambiente ENVITE estará orientado a detectar estas oportunidades, informar, asesorar e capacitar aos membros adheridos para aumentar o nivel de participación e retorno nos programas de financiamento europeos.





En documentos anexos:

Presentación da Asemblea Xeral de ENVITE


Presentación dos Programas Nacionais de Financiamento de Enerxía e Medio Ambiente


Presentación dos Programas Internacionais de Financiamento de Enerxía e Medio Ambiente