envite Plataforma Tecnolóxica Galega de Medio Ambiente - XORNADA AGROALIMENTACIÓN SOSTIBLE: OPORTUNIDADES DE NEGOCIO E FINANCIAMENTO
Páxina Principal arrow Arquivo de novas arrow XORNADA AGROALIMENTACIÓN SOSTIBLE: OPORTUNIDADES DE NEGOCIO E FINANCIAMENTO
XORNADA AGROALIMENTACIÓN SOSTIBLE: OPORTUNIDADES DE NEGOCIO E FINANCIAMENTO PDF Imprimir Correo-e
Luns, 04 de Xuño do 2012

O xoves 28 de xuño, ENVITE en colaboración coa PTGAL, celebra a xornada “Agroalimentación sostible: oportunidades de negocio e financiamento” que terá lugar na sede de FEUGA en Santiago de Compostela. No evento daranse a coñecer iniciativas innovadoras para o crecemento da industria agroalimentaria nun contexto económico complexo caracterizado pola escasez de recursos e un marcado desequilibrio entre produción e demanda. Destacan a presentación da convocatoria europea KBBE, o informe de intelixencia ENVITE-PTGAL, as ferramentas de networking e o panel de capacidades de I+D+i, nos que se poderán expor as liñas de traballo dos centros de investigación galegos así como as ideas de proxecto que se estean a dinamizar en relación ás temáticas da xornada. A súa vez, as empresas con proxectos candidatables aos programas de financiamento do CDTI poderán presentalos aos seus técnicos en reunións bilaterais (Rolda CDTI).



Programa e boletín de inscrición

Formulario proxecto (Rolda CDTI)

Listado centros de investigación con presentación (en permanente actualización)

Modelo de presentación de capacidades de I+D

A xornada, dirixida a promover á I+D e a innovación no eido da agroalimentación sostible, terá a seguinte estrutura:

Relatorios: presentación da convocatoria KBBE e das principais conclusións do informe de Intelixencia ENVITE-PTGAL.

Ferramentas de networking: presentacións de redes de apoio para a busca de socios en proxectos do FP7, así como de ideas de proxecto, con preferencia en KBBE.

Panel de capacidades de I+D: presentacións entorno a 5 minutos de duración, das capacidades de I+D+i dos centros de investigación para as empresas.

Rolda CDTI: entrevistas entre empresas e técnicos do CDTI para o asesoramento de proxectos.

Xantar tecnolóxico: comida para a xeración de encontros informais entre os asistentes.

O boletín de inscrición enviarase ao enderezo electrónico Este enderezo de correo-e está protexido contra spam bots, necesita ter o Javascript activado para podelo ver o ao número de fax 981-52.44.54 antes do 26 de xuño de 2012.

 
Xunta de Galicia in.ci.teNeurona